هي أمراض نادرة ومزمنة تظهر بيها فقاعات (بگبگات أو نفاخات مائية) چبيرة على الجلد. سببها الأساسي هو خلل بجهاز المناعة اللي يخلي طبقات الجلد تنفصل عن بعضها وتتجمع السوائل بينها.
1. الفقاع الفقاعي (Bullous Pemphigoid)
- يصيب كبار السن غالباً (فوق الـ 60 سنة).
- الفقاعات تكون چبيرة ومشدودة حيل (قوية)، وما تطگ (تنفجر) بسهولة.
- تطلع غالباً ع البطن، الفخذ، ومنطقة الإبط.
- تسبب حكة كلش قوية ومزعجة.
- العلاج: حبوب أو كريمات كورتيزون، والحمد لله الاستجابة للعلاج تكون جيدة غالباً.
2. الفقاع الشائع (Pemphigus Vulgaris)
- هذا النوع أخطر وأندر، ويصيب الأعمار المتوسطة (بين 40 إلى 60 سنة).
- الفقاعات تكون رخوة (هشة) وتطگ بسرعة، وتترك بمكانها تقرحات مؤلمة (جروح مفتوحة).
- غالباً يبدأ بالحلگ (تقرحات مؤلمة بالفم تمنع المريض من الأكل والشرب) قبل لا يظهر ع الجلد.
- العلاج: يحتاج علاج مناعي قوي ومستمر للسيطرة عليه.