الكوليستياتوما (Cholesteatoma) هي نمو غير طبيعي لجلد ميت وتكلسات داخل الأذن الوسطى، بالتحديد ورة طبلة الأذن. رغم إنو اسمها يخوف وممكن بعض الناس يسموها "ورم"، بس هي مو سرطان أبداً. المشكلة الحقيقية بهذا الكيس الجلدي إنه يكبر بمرور الوقت، وممكن ياكل ويدمر العظيمات السمعية الصغيرة وحتى عظم الجمجمة اللي داير مداير الأذن.
أهم الأعراض والعلامات
الأعراض عادةً تبدي خفيفة وتتطور ببطء على مدى أشهر أو سنين، وتشمل:
- إفرازات من الأذن: أهم وأشهر علامة هي نزول إفرازات مستمرة أو تجي وتروح، وتكون ريحتها كلش كريهة.
- ضعف بالسمع: المريض يحس سمعه ديثگل بالإذن المصابة، لأن الكيس ديأثر على حركة عظيمات السمع اللي تنقل الصوت.
- ألم أو انزعاج بالإذن (بس مو دائماً توجع، مرات الكيس يكبر بدون أي ألم بالبداية).
- وشة أو طنين مستمر بالأذن.
شنو الأسباب؟
اكو سببين رئيسيين لظهور هذي المشكلة:
- خلل بقناة استاكيوس (السبب الأكثر شيوعاً): هاي القناة هي المسؤولة عن تهوية الأذن الوسطى. من تنسد (بسبب حساسية أو التهابات متكررة)، يقل الضغط داخل الأذن وتسحب طبلة الأذن ليجوة. هذا الانبعاج يسوي مثل "الجيب" تتجمع بيه الخلايا الجلدية الميتة وتكون الكيس.
- خلقية (نادرة): مرات نادرة جداً، الطفل يولد وعنده هذا الكيس داخل إذنه.
طرق العلاج (ليش القطرات ما تكفي؟)
هواي مرضى يعتمدون على قطرات الأذن لفترات طويلة، وهذا أكبر غلط!
- القطرات والمضادات الحيوية ممكن تنشف الإفرازات وتوگف الالتهاب الظاهري المؤقت، بس هي ما تعالج الكوليستياتوما ولا تذوب الكيس.
- الحل الوحيد والأساسي والنهائي هو العملية الجراحية. جراح الأنف والأذن والحنجرة يفتح الأذن وينظف الأذن الوسطى ويرفع الكيس بالكامل حتى يمنع رجوعه ويحافظ على السمع الباقي ويمنع المضاعفات.