المرارة هي كيس صغير تحت الكبد يخزن "العصارة الصفراء" اللي تساعد بهضم الدهون. من تتركز هاي العصارة وتتصلب، تصير حصى. هاي الحصى ممكن تكون صغيرة مثل الرمل أو كبيرة مثل حبة الجوز. النساء، خاصة اللي عندهم زيادة بالوزن، هم الأكثر عرضة للإصابة بيها.
الأعراض (القولنج المراري)
أغلب الناس عدهم حصو وما يدرون (حصى صامتة)، بس من تتحرك الحصوة وتسد المجرى، تصير الأعراض:
- ألم قوي بأعلى اليمين: يجي ورا أكلة دسمة (بيض، دهن، لحم)، ويستمر من نص ساعة لـ 4 ساعات.
- ألم بالچتف: الوجع يضرب على چتفك الأيمن أو ظهرك.
- لعبان نفس وزواع: تحس الأكل واگف على معدتك.
العلاج (الجراحة بالناظور)
علاج حصى المرارة اللي تسوي أعراض هو استئصال المرارة بالكامل (Cholecystectomy):
- عملية الناظور: 3 أو 4 ثقوب صغيرة بالبطن، وتطلع بنفس اليوم أو ثاني يوم. هي الطريقة الأفضل والآمن.
- تفتيت الحصى؟ ما يفيد بالمرارة (عكس الكلى) لأن الحصى ترجع تتكون، فالأفضل شيل المرارة كلها. الجسم يتعود يعيش بدونها عادي جداً.