القرحة هي "جرح" مفتوح يصير ببطانة المعدة أو بالاثني عشر (بداية الأمعاء). هذا الجرح يخلي حموضة المعدة تاكل بجدار البطن وتسبب ألم قوي. هي مرحلة متطورة من التهاب المعدة.
شلون تفرق بين قرحة المعدة والاثني عشر؟
- قرحة المعدة (Gastric Ulcer): الألم يزيد من تاكل. المريض يخاف ياكل حتى لا يتألم، فتشوفه يضعف وزنه ينزل.
- قرحة الاثني عشر (Duodenal Ulcer): الألم يزيد من تجوع (معدة فارغة)، ويرتاح المريض من ياكل. غالباً الوجع يگعدك من النوم الفجر لأن المعدة فرغت.
الأسباب الرئيسية
- الجرثومة الحلزونية (H. Pylori): هي السبب الأول.
- المسكنات (NSAIDs): استخدام طويل للأدوية مثل البروفين، الفولتارين، والأسبرين.
- التدخين: التدخين يمنع القرحة من الشفاء ويزيد الحموضة.
- التوتر: يساهم بتكوين القرحة بس مو هو السبب الوحيد.
العلاج
علاج القرحة يعتمد على السبب:
- إذا اكو جرثومة: لازم تاخذ كورس المضادات الحيوية.
- مثبطات الحموضة (PPIs): مثل (Omeprazole, Nexium) تقلل الحمض وتخلي الجرح يلتئم.
- توقف عن التدخين والمسكنات فوراً.