حبوب منع الحمل الطارئة (تسمى أحياناً "حبة الصباح التالي") تستخدم لمنع الحمل بعد حدوث علاقة زوجية غير محمية (مثلاً انقطع الواقي، أو نسيتي تاخذين حبوبج العادية). هي للاستخدام الطارئ فقط ومو بديل للموانع الدائمية.
أنواع الحبوب وشوكت تشتغل؟
- حبة (Levonelle): لازم تتاخذ خلال 72 ساعة (3 أيام) من العلاقة. كلما اخذتيها أسرع، كلما كانت فعاليتها أكبر.
- حبة (ellaOne): تشتغل لحد 120 ساعة (5 أيام) بعد العلاقة.
شلون تشتغل؟
هاي الحبوب تشتغل عن طريق تأخير التبويض. يعني إذا البويضة بعدها ما طالعة، الحبة راح تأخر خروجها حتى تموت الحيوانات المنوية. أما إذا التبويض صار أصلاً، فالحبة ما راح تفيد (لذلك السرعة مهمة).
هل تسبب إجهاض؟
لا، هاي الحبوب ليست حبوب إجهاض. إذا كان الحمل صاير أصلاً والجنين متكون، الحبة ما راح تأثر عليه ولا تنزله.
الأعراض الجانبية
- لعبان نفس وزواع (إذا زوعتي خلال ساعتين من أخذ الحبة، لازم تاخذين وحدة ثانية).
- ألم بالبطن وصداع.
- خربطة بموعد الدورة الجاية (ممكن تتقدم أو تتأخر).