هواي نساء يعانون من أعراض "التهاب المجاري" (حرگة، ألم بأسفل البطن، تكرار البول) بس من يسوون تحليل وزرع يطلع "نظيف وماكو بكتيريا". هاي الحالة نسميها "التهاب المثانة الخلالي" أو المثانة المؤلمة. هي حالة مزمنة سببها تحسس أو التهاب ببطانة المثانة نفسها مو بكتيريا.
الأعراض
- ألم بأسفل البطن (فوق منطقة العانة) يزيد من تنترس المثانة ويخف من تفرغها.
- حاجة ملحة ومستمرة للتبول (ليل ونهار).
- ألم أثناء العلاقة الزوجية.
شنو اللي يهيج الألم؟
الأكل يلعب دور كبير بزيادة الألم، حاول تتجنب:
- الحمضيات (ليمون، برتقال).
- المشروبات الغازية والگهوة والشاي.
- الأكل الحار (سبايسي) والمخللات.
- الطماطم ومنتجاتها.
العلاج
ماكو علاج واحد يشفيك تماماً، بس نگدر نسيطر ع الأعراض:
- الحمية الغذائية: تجنب الأكل المهيج.
- العلاج الطبيعي: تمارين استرخاء الحوض.
- أدوية: مضادات الهيستامين أو مسكنات خاصة يكتبها الطبيب.