المغص (Colic) هو بجي وصراخ مستمر للطفل الرضيع بدون سبب واضح، وهو بصحة جيدة وما عنده لا صخونة ولا جوعان. يبدأ غالباً بعمر أسبوعين ويوصل ذروته بعمر 6 أسابيع، ويختفي تماماً بعمر 3-4 أشهر.
علامات المغص (قاعدة الـ 3)
الأطباء يشخصون المغص إذا انطبقت "قاعدة رقم 3":
- الطفل يبچي أكثر من 3 ساعات باليوم.
- يتكرر البجي أكثر من 3 أيام بالأسبوع.
- يستمر لأكثر من 3 أسابيع.
بالإضافة: الطفل يشد جسمه، يرفع رجله لبطنه، ووجهه يصير أحمر من البجي، وغالباً تصير بالليل.
شلون تساعدين طفلك؟
- التجشؤ (Tucking): طلعي الهوا من بطنه بعد كل رضعة (خليه يترع).
- الضوضاء البيضاء (White Noise): صوت السشوار أو المكنسة الكهربائية يهدئ الطفل لأن يذكره بصوت الرحم.
- المساج: مساج خفيف للبطن بزيت الزيتون باتجاه عقارب الساعة.
- حمل الطفل: شيليه بوضعية تكون بطنه على ايدج (نسميها وضعية النمر على الشجرة).
- قطرات المغص: (مثل Simethicone) تفيد بطرد الغازات.